38
Corentena total en Santiago de Chile tras o rápido incremento de contaxios de coronavirus a semana pasada. Con preto de 41.500 casos e polo menos 421 persoas falecidas, as cifras alertaron ás autoridades ao ver o número de decesos duplicarse en 48 horas e constatar que o 90% das camas de coidados intensivos están ocupadas. As novas restricións deixaron medio desertas as prazas e mercados. Aínda que con excepcións, os santiaguinos só poden saír de casa cun salvoconduto, un máximo de 5 veces por semana. Vencer a guerra ao Covid-19 pasa por gañar a batalla de Santiago, en palabras do ministro de Saúde, Jaime Mañalich. Son case oito millóns de persoas na área metropolitana de Santiago.