- Na comunidade galega rexistráronse 1.507 altas de pacientes
A Dirección Xeral de Saúde Pública da Consellería de Sanidade actualizou o número de casos activos por coronavirus en Galicia que ascende a 6.147, deles 1.382 son da área da Coruña, 594 da de Lugo, 1.200 da de Ourense, 507 da de Pontevedra, 1.089 da área de Vigo, 1.030 da de Santiago, e 345 da de Ferrol.
Do total de pacientes positivos, 115 permanecen en UCI, 598 están en unidades de hospitalización e 5.434 no domicilio. Polo de agora, en Galicia rexistráronse 1.507 altas de pacientes e 442 falecementos. O número de PCR realizadas é de 60.258.
CENTROS RESIDENCIAIS. O número de casos de coronavirus detectados en centros residenciais de servizos sociais de Galicia supoñen o 4,1% do total das persoas residentes. Do total de persoas afectadas, 6.147, hai 1.012 usuarios das residencias infectados así coma 424 sanitarios.
A Consellería de Sanidade reitera que a cidadanía empregue o número 061 só para emerxencias ou casos graves e aconsella utilizar o número gratuíto do 900 400 116 para consultar dúbidas ou síntomas leves de coronavirus.