17
Segundo desprazamento seguido para o Calvo Xiria, esta vez xoga na Coruña; o derbi contra o Attica 21 Hotels Oar Coruña, nun partido de altos voos. E é que este tipo de encontros sempre exceden emoción e bo balonmán. A tempada pasada saldouse con vitoria local nun partido moi desigual.
Na actualidade, ambos conxuntos chegan con confianza, xa que veñen de gañar a xornada anterior e marchan empatados na clasificación, aínda que o Calvo Xiria ten un partido menos.
Seguramente un dos apartados decisivos neste choque será a defensa, decantando a balanza a favor dun ou outro. O técnico do conxunto carballés, Adrián Dubra, conta cos mesmos xogadores que a semana anterior. O partido será o sábado ás 19:00 horas no pavillón San Francisco Javier.