0
O Bergantiños FC sufriu este sábado a súa primeira derrota no que vai de tempada. O equipo carballés viuse superado polo Gran Peña, no Municipal de Barreiro, case que en todas as fases do partido. Nos primeiros 20 minutos xa perdía por 2-0, tras os goles de Javi Pay e Antañón. Un gol de Mario Musy metía os carballeses no partido, pero xusto antes do descanso Roi Tato superaba a Canedo establecendo o 3-1 no marcador. Secho moveu o banco e no minuto 56 Iago lópez recortaba distancias, pero pouco máis ata o minuto final, 3-2, un resultado que confirma que o Bergantiños ten cousas que mellorar para cumprir obxectivos esta tempada.