A Policía Nacional, en colaboración coa Federal alemá e Europol, desmantelou a loxística dunha organización criminal presuntamente dedicada ao tráfico ilícito de migrantes sirios con destino España, Alemaña e Noruega.
O roteiro migratorio atravesaba tres continentes, Asia, África e Europa, e os migrantes, que chegaban a pagar ata 20.000 euros á organización, chegaban por vía aérea, marítima e terrestre, segundo informou este domingo a Dirección Xeral do corpo.
En España os axentes realizaron sete rexistros en Toledo (5) e Cuenca (2) e interviñeron 9.840 euros en efectivo, cinco vehículos, numerosos teléfonos móbiles e dispositivos electrónicos e diversa documentación. Así mesmo, na operación detívose a 19 persoas, das que seis ingresaron en prisión provisional.
0