As autoridades cubanas detiveron na Habana, en Cuba, a Martiño Ramos Soto, o profesor de infantil e primaria condenado pola Audiencia de Ourense a 13 anos e medio de cárcere por abusar e violar a unha alumna menor de idade.
A Policía Nacional Revolucionaria (PNR) era consciente da presenza de Ramos Soto, de 50 anos, en Cuba desde facía meses e desde entón, conscientes da súa condena, estaba baixo observación, pero non fora detido ata hai uns días.
Ramos Soto fuxiu de España en xullo, pouco antes de que o Tribunal Supremo fixese público o fallo, que convertía en firme a pena de 13 de anos e seis meses de prisión por estes feitos. A investigación policial revelou que Ramos, que militou de maneira destacada no movemento político En Marea, se refuxiaba desde entón en Cuba, país co que España non ten acordo de extradición. Pero parece que hai disposición por parte dos dous países por facilitar o seu traslado a España.