23
O operativo realizouse nas Canarias, a unhas cincuenta millas náuticas da illa de El Hierro, e foi desenvolvido conxuntamente por Vixilancia Aduaneira, Policía Nacional e Garda Civil. Catro persoas foron interceptadas nunha narcolancha que transportaba uns cincocentos quilos de cocaína. Entre os detidos figura un home orixinario de Redondela. A embarcación, que se atopaba en mal estado, non puido fuxir ante a presenza das forzas de seguridade e foi conducida este sábado ata As Palmas, onde se pesou a droga. O galego implicado xa fora detido anteriormente pola Garda Civil. Na lancha interceptada ían tamén dous cidadáns marroquís e un colombiano.