- Os presuntos culpables, dous homes e unha muller, son vellos coñecidos da Garda Civil
A Garda Civil do Posto de Porto do Son detivo a dous homes e unha muller como presuntos autores de tres delitos de roubo, un deles en grao de tentativa.
Os feitos ocorreron o pasado día 29 de xaneiro cando os detidos, tras forzar a fechadura dun local de hostalería en Porto do Son e outro de Portosín, accederon ao interior dos mesmos, subtraendo en ambos casos a recadación da máquina recreativa. Tamén empregaron o mesmo método para tentar acceder a un establecemento farmacéutico de Porto do Son, sen lograr neste caso o seu obxectivo.
No transcurso da investigación, os axentes identificaron aos presuntos culpables, todos eles coñecidos das forzas de seguridade por feitos da mesma índole, e procederon á súa detención.
Os detidos foron postos ao dispor do Xulgado de Instrución de Garda de Noia.