O alcalde de Vigo, Abel Caballero, visitou a Sala de Xestión da Mobilidade do Concello para presenciar a posta en marcha do novo sistema de información que xa están dispoñible para todos os cidadáns a través da aplicación municipal “Vigo”. Dez novas cámaras retransmiten imaxes en tempo real e permiten así a calquera usuario consultar a situación do tráfico nas rúas.
Vigo dispón actualmente de 109 cámaras que poden ser visualizadas desde a Sala de Xestión para o control del tráfico: 48 para control do tráfico urbano e 61 para interior e exterior de túneles. Ata o de agora, as cámaras da cidade ofrecían, tanto na páxina web do Concello como na App, fotogramas (fps) con retardo na visualización con respecto ao tempo real. Desde hoxe, están en funcionamento dez cámaras de alta definición que permiten a emisión de vídeo en streaming.
As dez novas cámaras están situadas en Praza de América, Praza de España, Gran Vía con Lepanto, Travesía de Vigo con Gregorio Espino, Gran Vía con rúa Tarragona, Venezuela con Paseo de Granada, Avenida de Madrid, Pizarro coa rúa Vázquez Varela, Avenida de Castrelos na confluencia con Arquitecto Palacios e a Avenida de Castelao coa rúa Grove.