- Contratarán persoal especializado na loita pola eliminación do machismo e a violencia contra as mulleres.
Será a través da liña de axudas que vén de resolver a área de Igualdade da Deputación da Coruña. A deputada da área, María Muíño, destaca o interese desta nova liña que intenta contribuír a que os concellos teñan áreas con especialistas para contribuír á igualdade e á eliminación da violencia machista en todo o territorio. «A iniciativa responde ás dificultades de recursos humanos nos concellos pequenos para desenvolver políticas de igualdade tan necesarias e urxentes co cal apostamos pola contratación de persoal especializado», apunta María Muíño. Os concellos beneficiarios serán os da Laracha, A Pobra do Caramiñal, As Pontes, Betanzos, Boimorto, Brión, Cabanas, Camariñas, Coirós, Dodro, Fene, Malpica de Bergantiños, Melide, Moeche, Rianxo, Rois, San Sadurniño, Tordoia e Trazo.