Trátase do ministro de Finanzas británico, Rishi Sunak, e do titular de Sanidade, Sajid Javid, ambos presentaron este martes a súa dimisión ao perder a confianza no seu primeiro ministro, Boris Johnson. As dimisións prodúcense nun momento no que a presión sobre Johnson aumenta pola súa forma de xestionar a conduta do exdiputado Chris Pincher, acusado de realizar tocamentos sexuais a varios colegas, e tan só un mes despois de superar unha moción de confianza dentro do seu partido polas festas en Downing Street durante a pandemia. O ministro de Finanzas asegurou que chegou á conclusión de que «non podemos continuar así» e indicou que «o público espera con razón que o Goberno se leve a cabo de maneira adecuada, competente e seria». Sajid Javid foi máis conciso e sinalou que non pode «seguir servindo neste Goberno».
39