Este sábado día 12, dentro da programación das Festas de San Froilán, celébrase na Praza dá Soidade de Lugo o festival Electronic Lucus Fest . Un festival creado e organizado polo dj lucense Marcos Peón e o seu socio Dj Frisco, onde os sons electrónicos serán os protagonistas e no que se dará visibilidade á escena dj lucense. Para esta primeira edición conta con artistas emerxentes como Miguel Palacios ou Jako Rove e picadiscos xa consagrados como Galician Army, Manu Chady ou Dj Frisco e Marcos Peón que pecharán o Electronic Lucus Fest cunha sesión remember especial que inclúe os hits máis bailados nos 90 e 2000. A festa empezará ás 22:30 e poñerá o broche de ouro ás festas patronais da cidade amurallada.
