O Concello de Salvaterra de Miño emitiu un comunicado no que explicou que as tres forzas políticas con representación na corporación local, PP, PSOE e BNG, mostraron o seu pesar «pola triste noticia da morte de tres veciños do municipio por mor dun fatídico accidente de tráfico» e trasladaron as súas condolencias e «todo o seu apoio» aos seus familiares e achegados. Ademais, acordouse decretar na localidade dous días de loito oficial, este sábado e este domingo, durante os que as bandeiras ondearán a media asta en todos os edificios municipais. Pola súa banda, o Concello de Nigrán lamentou o falecemento desta muller, orixinaria da parroquia de San Pedro da Ramallosa deste municipio, e os seus dous fillos e trasladou o seu pésame aos seus familiares e amigos. Ademais tamén declarou dous días de loito oficial na localidade.
30