- Unha das vítimas tivo que ser trasladada polos servizos sanitarios ao quedar atrapada polas portas do vehículo
Un accidente múltiple no que se viron implicados tres turismos no concello coruñés de A Laracha, saldouse con dúas persoas feridas. Unha delas tivo que ser trasladada polos servizos sanitarios ao quedar atrapada polas portas do vehículo. A outra vítima conseguir saír do seu turismo polo seu propio pé.
O accidente ocorreu sobre as 17:00 horas deste martes cando os vehículos circulaban pola AC-552, pola recta coñecida como de San Román.
Foi un particular quen chamou ao 112 Galicia para pedir axuda, asegurando que había unha muller atrapada no interior dun dos turismos. Así desde o 112 Galicia, ademais de informar ao Servizo de Urxencias Sanitarias de Galicia-061, solicitouse a colaboración dos Bombeiros de Carballo. Do mesmo xeito foron informados os axentes de Tráfico, da Policía Local e os efectivos de Protección Civil.
Tamén foi precisa a intervención do persoal do servizo de mantemento da estrada, que se encargou da limpeza da vía.