0
Dúas persoas faleceron nun accidente de circulación rexistrado na mañá deste xoves en Vilamartín de Valdeorras (Ourense) cando un camión se saíu da vía e esmagou un coche que viaxaba polo carril contrario na estrada N-120. O accidente produciuse ás 06:55 horas no quilómetro 464 da estrada nacional que une Logroño e Vigo. As dúas vítimas mortais son o condutor do camión e a muller que manexaba o turismo, segundo confirmou a Garda Civil. Hai tamén varios feridos leves que viaxaban en dous turismos que bateron contra o camión e foron evacuados ao hospital de Valdeorras. O sinistro provocou o corte total da circulación na N-120, onde tiveron que ser habilitados desvíos alternativos mentres traballan na zona os equipos de emerxencia.