53
Un mozo resultou ferido de gravidade tras ser apuñalado no Orzán, unha zona de copas da Coruña, segundo informaron fontes da investigación. A agresión tivo lugar na madrugada deste sábado tras o peche dos locais de lecer nocturno, no transcurso dunha pelexa na que un dos participantes empregou unha arma branca. Segundo indica a mesma fonte, a vítima atópase «moi grave» na Uci do Complexo Hospitalario Universitario da Coruña. Por mor do ocorrido, a Policía Nacional emprendiu unha investigación para identificar e deter ao presunto autor deste apuñalamento. O presunto agresor foi detido a última hora da tarde deste sábado no barrio de Monte Alto, onde ao parecer residía.