O Concello de Camariñas rematou as obras no parque infantil da praza Maior con fondos propios. Este venres procedeuse á apertura desta área de xogos, que é ademáis empregada na época de curso escolar. Para aproveitar o verán, e como os pequenos empregan nesta tempada o parque de Area da Vila, decidiron renovar por completo o do centro de Camariñas, instalando no chan caucho continuo para a total seguridade dos nenos. Mellorando o perímetro de peche do parque, e tamén se instalaron novos elementos de xogo.
Unha das novidades é que parte das pezas de xogo están pensados para persoas con necesidades especiais. Moitos deles están pensados para cativos dun a tres anos, sendo na súa totalidade inclusivos, certificado polo fabricante, e converténdose nun espazo pensado para a totalidade das nenas e nenos de Camariñas.