27
- O investimento supera os 85.000 euros a financiar integramente con fondos municipais
As obras de transformación da rúa Silverio Moreda Alvariño, no centro da Laracha, xa están na súa fase final. Ata o de agora a vía contaba cun dobre sentido de circulación, creando dificultades de desprazamento debido á existencia beirarrúas e aparcamento a ambas marxes. Para resolver esta situación, o Concello proxectou unhas obras para facer a rúa máis accesible e segura, establecendo un único sentido de circulación con entrada pola Avenida Fisterra e saída pola Avenida de Caión.
O alcalde, José Manuel López Varela, e os concelleiros Jesús Souto e Rocío López, comprobaron en primeira persoa o resultado das actuacións que contaron cun investimento de 85.000 euros financiado integramente con fondos municipais.