Gabriel Rufián, de ERC, di que “non vimos coa intención de bloquear absolutamente nada. O non bloqueo non significa darlle un cheque en branco a Pedro Sánchez”.
Rufián di que sería irresponsable repetir eleccións e cre que Podemos non ten lexitimidade para reclamar ministerios. O outro partido catalán, Junts per Catalunya, si anuncia o seu voto negativo, polo menos mentres sigan suspendidos os seus 3 deputados encarcerados.
Laura Borrás, JxCat, di que “non podemos facilitar unha investidura de Pedro Sánchez porque todo o que recibimos foi unha vulneración dos dereitos dos nosos compañeiros”
Os dous partidos independentistas oíron do PSOE a mesma apelación a abstérense por responsabilidade.
Adriana Lastra, vicesecretaria xeral do PSOE, di que “non sería sensato bloquear unha investidura que responde aos desexos dunha maioría ampla dos cidadáns e ante a que non hai ningunha alternativa viable”
Podemos volveu pedirlle ao PSOE un pacto á valenciana, onde os socialistas si aceptaron a entrada dos de Iglesias no executivo. A vicepresidenta responde que estarían encantados se, como en Valencia, sumasen maioría absoluta.