Entre elas, a activación urxente do fondo de reserva de crise da Política Agraria Común (PAC) e o incremento dos anticipos ata o máximo legalmente permitido, para que agricultores e gandeiros conten con máis recursos para mitigar as consecuencias da falta de auga nas súas explotacións. Así o acordaron o ministro de Agricultura, Pesca e Alimentación, Luís Planas, e a súa homóloga portuguesa, Maria do Céu Antunes, na reunión bilateral que mantiveron en Lisboa. Ambos acordaron expresar esta necesidade cunha soa voz, ante os estragos que a intensa seca está a causar na península ibérica, no próximo Consello de Ministros de Agricultura e Pesca da Unión Europea (UE). Os dous países, xunto co apoio de Francia e Italia, expresarán ante a Comisión Europea (CE) no próximo Consello do 30 de maio, a necesidade de activar todas as medidas necesarias ante un problema europeo, como a seca.
0