Este xoves celebrouse na cidade estremeña de Trujillo o cume post-pandemia hispanoluso, onde se atoparon os xefes de goberno de ambos os países. Pedro Sánchez e Antonio Costa centran este cume ibérico número 32 na mobilidade sostible entre España e Portugal e nos moi esperados Fondos de Recuperación da Unión Europea. A reunión na fronteira hispano-portuguesa, prestará especial atención á situación dos traballadores transfronteirizos e os seus dereitos.
Cando está en marcha a creación dunha vía ferrea de alta velocidade Lisboa-Vigo, os dous países tentan dar un impulso a medidas concretas para ver a península ibérica como un conxunto e relanzar aprazados proxectos de integración das economías de ambos os países. Na transición enerxética e a subida dos prezos da electricidade, ambos comparten a compra conxunta para as reservas de gas.
Este cume Ibérico está previsto que presente proxectos para favorecer o desenvolvemento dos territorios fronteirizos, que están entre as rexións menos desenvolvidas da UE. Á reunión de Trujillo seguirá outra en Lisboa o 29 de novembro para a transformación dos sistemas enerxéticos de España e Portugal.