O Ministerio de Sanidade realizou un novo envío para a atención sanitaria e axuda humanitaria na guerra de Ucraína. O transporte partiu este luns desde as instalacións do Centro Militar de Farmacia da Defensa na Base Militar de San Pedro en Colmenar Viejo pertencente ao Ministerio de Defensa. Estes lotes foron completados integramente por doazóns do Sistema Nacional de Saúde (SNS), a través do Instituto Nacional de Xestión Sanitaria (INGESA), encargada da coordinación dos envíos de axuda humanitaria, facilitando os trámites burocráticos e autorizacións como a colaboración e coordinación co resto de institucións implicadas.
No envío incluíronse un total de 98 pallets, con máis dun millón e medio (1.549.522) de unidades de medicamentos que suman máis de 50 toneladas de axuda humanitaria. Este novo lote súmase aos anteriores enviados polo Ministerio de Sanidade con axuda onde se incluíron doazóns da Garda Civil, Comunidades Autónomas e da Reserva Estratéxica do propio Ministerio de Sanidade. A suma destes envíos previos foi de 64 pallets, cunha carga de case 19.000 quilos e por un valor 1.161.542 euros.