21
A vacina de Moderna entrou en España nun camión procedente de Bélxica que as transportou a un almacén do Ministerio de Sanidade no centro peninsular. Este fármaco que foi autorizado a semana pasada pola Axencia do Medicamento Europeo, convértese así no segundo que se administrará contra o coronavirus en España. A previsión de Sanidade é que se reciban nas próximas seis ou sete semanas 600.000 doses, segundo anunciou o ministro Salvador Illa, que explicou que a chegada desta nova vacina non altera o plan de vacinación fixado e que se seguirá vacinando os cidadáns en función dos grupos poboacionais xa establecidos, empezando polos maiores e o persoal sanitario de primeira liña.