- Este material, adquirido polo Ministerio de Transportes, chegou durante a madrugada deste sábado ao Aeroporto Adolfo Suárez Madrid-Barajas
Un primeiro envío con preto de 1.200.000 máscaras, adquiridas de forma centralizada polo Ministerio de Transportes, Movilidade e Axenda Urbana (Mitma), a través de Portos do Estado, chegou esta madrugada por vía aérea ao Aeroporto Adolfo Suárez Madrid-Barajas, no marco do operativo que Aena está a manter para facilitar a chegada deste tipo de operacións.
O envío nesta remesa inclúe máis de 725.000 máscaras de protección FFP2, que se destinarán á súa distribución entre os traballadores do sector público no ámbito do transporte de competencia estatal, entidades e empresas do Grupo Mitma (ADIF e ADIF-Alta Velocidade, Renfe-Operadora, ENAIRE, AENA, Portos do Estado, etc.) e Correos, e ademais outras 75.000 destinaranse ao Ministerio do Interior, a distribuír entre os membros das Forzas e Corpos de Seguridade.
O envío que chegou a pasada noite a Madrid inclúe tamén 387.000 máscaras cirúrxicas que Mitma, con obxecto de atender as necesidades existentes no sistema nacional de saúde, entregará ao Ministerio de Sanidade, para a súa distribución aos establecementos sanitarios a través do Instituto Nacional de Xestión Sanitaria.