35
Esta madrugada hai que cambiar a hora para adaptarnos ao mal chamado horario de verán, xa que estamos na primavera desde o pasado 20 de marzo. Este ano 2021 o cambio de hora prodúcese esta noite do sábado 27 de marzo ao domingo 28: ás 2.00 da madrugada adiantaranse os reloxos ás 03.00. É dicir, ás dúas serán as tres, polo que este día durmirase unha hora menos e anoitecerá máis tarde. Deste xeito, a partir do domingo 28 de marzo os días serán máis longos. Amencerá e anoitecerá máis tarde, ata outono. A modificación horaria de primavera aplícase en todos os países da Unión Europea (UE), cumprindo coa Directiva Europea 2000/84/CE, coa intención de axustar a xornada laboral ás horas de luz natural e ter así, máis horas de luz durante o día.