O Departamento de Enerxía de Estados Unidos ten previsto anunciar que científicos do país lograron, por primeira vez, producir unha reacción de fusión capaz de xerar unha ganancia neta de enerxía, o que poderá conducir á produción enerxética ilimitada, barata e limpa.
Segundo publican medios estadounidenses, o achado supón un fito importante nunha investigación que se desenvolveu durante décadas e con investimentos multimillonarios para desenvolver unha tecnoloxía que proporcione enerxía sen límites e económica.
Aínda que moitos científicos cren que aínda faltan décadas para que as centrais eléctricas de fusión sexan unha realidade, o potencial desta tecnoloxía é difícil de ignorar. As reaccións de fusión non emiten carbono, non producen refugallos radioactivos de longa duración e, en teoría, unha pequena cunca de combustible de hidróxeno podería alimentar unha casa durante centos de anos, precisa o Financial Times. O avance de EE.UU. prodúcese cando o mundo loita cos altos prezos da enerxía e a necesidade de afastarse rapidamente da queima de combustibles fósiles para evitar que as temperaturas globais media alcancen niveis perigosos, lembra o rotativo