27
Un home de mediana idade, oriúndo da Laracha, foi evacuado de urxencia a última hora da tarde deste luns ao sufrir un accidente laboral cando se atopaba nunha escaleira, traballando nunha nave do polígono industrial de Bértoa en Carballo. Un particular deu a voz de alarma ao 112, mobilizando á Policía Local e a unha ambulancia do 061 que trasladou ao ferido, J.V. C., ao hospital, cun forte golpe nunha perna.