29
Segundo asegura o ministerio que dirixe José Manuel Albares na súa páxina web, «dada a volátil situación de seguridade» recoméndase aos españois que viven en Ucraína que consideren «seriamente» a posibilidade de abandonalo de maneira temporal ante a ameaza dun conflito armado no lugar. Ademais tamén se recomenda non viaxar á zona. Estas recomendacións tomáronse no marco da reunión de embaixadores da Unión Europea en Kiev e, segundo aseguran fontes de Moncloa, o presidente do Goberno, Pedro Sánchez, informou telefonicamente sobre esta cuestión ao rei e ao líder da oposición, Pablo Casado, a quen agradeceu o seu apoio. Tamén informou aos socios da coalición de Goberno a través da vicepresidenta segunda, Yolanda Díaz.