18
Un home faleceu ao quedar atrapado nunha máquina mentres cortaba leña. Os feitos sucederon na aldea Anllo, na parroquia de Castrelo, concello de San Cristovo de Cea. Ao fío das 19:45 horas deste luns, o 112 Galicia recibía a alerta do accidente a través de Urxencias Sanitarias de Galicia-061. De xeito inmediato, o persoal do Centro Integrado de Atención ás Emerxencia (CIAE) 112 Galicia solicitou a intervención dos Bombeiros do Carballiño, dos axentes da Garda Civil e de Protección Civil. Os servizos sanitarios só puideron confirmar o falecemento do varón.