A histórica derrota do PP en Galicia nas pasadas eleccións xerais fronte ao PSdeG fixo que os populares pasasen de ter tres senadores electos nas urnas por provincia a só un, o que suscitou o debate sobre se algún dos que quedaran sen escano, como a ex-presidenta do Parlamento Pilar Rojo ou o ex-rexedor de Ferrol Juan Juncal, resultaría recolocado nalgún dos dous postos por designación autonómica que lle corresponden ao PP como primeira forza no Parlamento.
Eses dous postos estaban ocupados ata agora por Juan Manuel Jiménez Morán, ex-alcalde de Verín, e por Fernando Carlos Rodríguez, que fora alcalde de Bóveda. A designación no seu momento de Jiménez Morán para ese escano xa fora lida como un agradecemento de Feijóo por intentar en 2010, sen éxito, quitarlle o control do partido en Ourense aos Baltar. Agora ese agradecemento cun posto no Senado vai para as dúas apostas persoais sacrificadas nas municipais en Vigo e Ourense, Elena Muñóz e Jesús Vázquez respectivamente.
19