18 comercios locais participan durante esta última fin de semana de agosto na Feira de Oportunidades que a Deputación da Coruña celebra na rúa Jacinto Amigo Lera de Carballo, un novo proxecto de dinamización do comercio que comezou en Cambre e As Pontes, continúa en Carballo e posteriormente chegará a Betanzos, Arteixo e Culleredo. Ao acto de inauguración da feira asistiron o vicepresidente Xosé Regueira, o deputado de Promoción Económica, Blas García, o alcalde da vila, Evencio Ferrero, e a xerente do CCA, Mª Carmen Freire. O horario será de 10 a 14:30 horas e de 17 a 21 horas, o do domingo ata as 20 horas. O obxectivo, segundo explicou o deputado Blas García é fundamentalmente apoiar aos comerciantes e artesáns da provincia e impulsar a dinamización da economía local.
24