Galicia rexistrou 21 adopcións internacionais durante o ano 2020, en plena pandemia pola covid-19. Os procesos de información, valoración e integracións efectivas mantivéronse durante o último ano atendendo sempre aos protocolos sanitarios, o que permitiu que se igualara o número de adopcións con respecto a 2019.
A provincia que maior número de preasignacións de menores rexistrou foi A Coruña con 14; seguida de Pontevedra, con 5; e Ourense con 2. Na provincia de Lugo non se produciu ningunha. Os países de procedencia das nenas e nenos foron: Bulgaria, China, Colombia, Filipinas, Hungría e Vietnam. É convinte sinalar que as adopcións non se completan ata pasado este proceso de preasignacións.
O número de solicitudes viuse reducido ao pasar de 47 no ano 2019 a 31 durante o 2020. A provincia na que se rexistraron un maior número de solicitudes foi A Coruña, con 16; seguida de Pontevedra, con 8; Lugo, con 5; e 2 na provincia de Ourense.