Axentes do Servizo de Gardacostas de Galicia requisaron máis de 2.000 quilos de peixe e marisco e preto de 300 útiles, ademais de 8.000 metros de artes de enmalle, en diversos controis no litoral galego. Os operativos máis importantes desenvolvéronse entre as rías da Coruña e Ferrol, onde os axentes comisaron preto de 370 quilos de distintos produtos do mar. Ademais, recolleron nesa mesma zona 20 útiles e máis de 6.500 metros de artes de enmalle.
Tamén se realizaron operativos na ría de Arousa, Castiñeiras e na ría de Vigo, mentres que na da Coruña levaron a cabo dous na ría de Muros-Noia e en Camariñas. En terra, completáronse operativos en establecementos e nunha depuradora, onde se incautaron de 1.350 quilos de ameixa xaponesa sen documentación de trazabilidade.