O candidato socialista á Presidencia da Xunta, Gonzalo Caballero, comprometeuse en Vilagarcía a garantir 5.000 prazas estables no sistema sanitario público “para darlle dignidade aos sanitarios que piden estabilidade en lugar de contratos por horas”. Así respondeu ao “cheque da indignidade co que Feijóo quere mercar votos e xogar cos profesionais sanitarios” aos que logo de xogarse a vida na loita contra a covid lles ofrece un cheque de 250 euros para ir cear.
O secretario xeral do PSdeG protagonizou un acto político en Vilagarcía acompañado da ministra portavoz do goberno de España, María Jesús Montero; do alcalde da localidade e presidente da Fegamp, Alberto Varela; a presidenta da Deputación de Pontevedra, Carmela Silva, e do candidato socialista de Arousa ao Parlamento, Julio Torrado.