O secretario xeral do PSdeG, Gonzalo Caballero, valorou os plans para a desescalada presentados polo presidente do goberno, na medida en que se trata dun “proceso complexo” que se está levando a cabo de xeito “asimétrico” para ter en conta as particularidades dos distintos territorios. É por iso que, tras destacar que conta co aval dos expertos, instou a Feijóo a deixar “a estratexia do PP de Casado” e traballar para “aportar solucións”, mostrandose molesto coa “crítica gratuíta e facilona” que realiza, enfocada a “entorpecer” o labor do goberno. O secretario xeral do PSdeG sinalou que a confrontación que Feijóo está mantendo co goberno de España evidencia que “está en clave electoral” e non actuando como un presidente que “está pensando nos intereses de Galicia”.
30