- O detido manifestou que os artigos eran seus, pero que descoñecía que había que ter licenza para vendelos
A Garda Civil do Posto de Laxe aprehendeu máis de 8.000 artigos pirotécnicos na localidade de Corme.
Os feitos ocorreron cando a patrulla da mencionada unidade, recibiu unha chamada Centro Operativo Complexo da Comandancia da Coruña, comunicándolles que na devandita poboación, estaba a celebrarse unha festa na cal varias persoas estaban a arroxar dispositivos pirotécnicos con risco para a integridade do resto de asistentes á mesma.
Cando os axentes chegaron ata onde se produciron os feitos, comprobaron que estes xa finalizaran antes da súa chegada. A Garda Civil indagou sobre o ocorrido, obtendo a información de que estes artigos estaban á venda nun dos postos ambulantes situados na zona. Os efectivos da patrulla desprazáronse ata o posto para entrevistarse co propietario e solicitarlle a documentación pertinente para a venda deste tipo de mercadoría, confirmándolles esta persoa que tiña devanditos artigos para a súa venda, descoñecendo que fose necesaria ningún tipo de documentación para esta actividade.
A Garda Civil procedeu á confección da correspondente denuncia por suposta infracción ao Regulamento de artigos pirotécnicos e cartuchería e á incautación da mercadoría para a súa destrución.