A Consellería de Medio Rural solicitou activar a situación 2 debido á proximidade do lume ás casas do núcleo de Rairos. En concreto trátase do segundo lume que se rexistrou nas últimas horas.
Para intentar controlar o incendio pediuse a intervención da Unidade Militar de Emerxencia. As lapas atópanse nas inmediacións da estrada N-120 ao seu paso polo municipio de Quiroga.
O lume, segundo Medio Rural foi intencionado e comezou á última hora deste domingo, os medios de extinción de terra traballaron durante toda a madrugada para tratar de frear as chamas.
Para intentar controlar o incendio, foron mobilizados dous técnicos, nove axentes, 14 brigadas e 15 motobombas.
Segundo o alcalde da vila, a pesar da dimensión que adquiriu este incendio, de momento non hai núcleos de poboación ameazados polo lume.