60
A multinacional téxtil Inditex acusa fortemente a situación derivada da pandemia de coronavirus. Por primeira vez na historia Inditex rexistra perdas. Así, no seu primeiro trimestre fiscal, entre o 1 de febreiro e o 30 de abril, perdeu 409 millóns de euros e os seus ingresos caeron un 44 %, ata os 3.303 millóns de euros.
O xigante téxtil con sede en Arteixo apunta que durante este período estiveron pechadas ata o 88 por cento das súas tendas e o negocio en liña experimentou un crecemento do 50 por cento nese trimestre.
Inditex proporá un reparto de dividendos de 0,35 euros por acción con cargo aos resultados do ano pasado e a suspensión do dividendo extraordinario de 1 euro previsto para este 2020.