- O orzamento alcanza os 64.000 euros
Na Laracha estase executando un novo proxecto de melloras viarias nas estradas de seis parroquias contemplándose a limpeza das cunetas, a mellora da capa de rodadura e o reforzo da sinalización. As intervencións están valoradas en 64.000 euros.
O alcalde, José Manuel López Varela, e o edil responsable da área de Obras Públicas, Jesús Souto, comprobaron in situ o resultado das actuacións que se están a realizar na vía que comunica O Cancelo do Medio (Cabovilaño) con Vilaño Vello (Vilaño).
Os outros núcleos de poboación nos que se contemplan intervencións de similares características pertencen ás parroquias de Cabovilaño (Nogán, As Ribas, A Teixoeira e Cardois), Coiro (O Pereiro), Lendo (Lista e Os Abelares), Soandres (O Campo Medado) e Montemaior (A Ribeiriña e A Cerdeira).