A Garda Civil do Milladoiro-Ames investiga unha persoa como presunta autora de sete delitos de roubo con forza en garaxes comunitarios de Bertamiráns.
Segundo informa o Instituto Armado nun comunicado, as indagacións da operación Nitram comezaron a finais de marzo tras detectarse unha repunta deste tipo de roubos, xa que se produciron de xeito sucesivo nun intervalo de apenas 15 días.
Así, o obxectivo principal das subtraccións eran bicicletas de alta gama, ciclomotores e motocicletas, seleccionando xeralmente os efectos que presentaban un alto valor no mercado.
Os axentes constataron, durante á análise das denuncias, un patrón común no método usado, e é que os delitos se realizaban sempre en horario nocturno. Para acceder aos inmobles manipulaban os mecanismos de apertura dos portais exteriores de vehículos, forzando tanto as pechaduras físicas como os sistemas eléctricos de entrada.
O 6 de maio os investigadores localizaron á persoa implicada na cidade de Ourense, onde estaba de forma temporal. A Garda Civil recuperou a maioría dos efectos subtraídos e entregounos aos seus lexítimos propietarios e realiza xestións para determinar a procedencia doutros obxectos intervidos.
As dilixencias instruídas foron remitidas ao Tribunal de Instancia de Garda de Santiago de Compostela.