38
Unha muller de avanzada idade esborrallouse cando realizaba a compra nun supermercado da vila, ante a mirada de clientes e empregados da tenda. Tras golpearse e caer ao chan, inmediatamente solicitaron asistencia médica a través das 112 Emerxencias Galicia, pero á chegada do persoal sanitario xa nada puideron facer pola vida da muller, máis que certificar o seu falecemento. A autoridade competente acordoou a zona ata a chegada da autoridade xudicial que decretou o levantamento do cadáver, que foi trasladado ao Complexo Hospitalario Universitario da Coruña (Chauc), para realizarlle a autopsia, que determinará as causas exactas da súa morte.