A Garda Civil investiga a caída desde o segundo andar dun edificio do Carballiño dunha menor, de 14 anos, que se atopaba con outro adolescente. Supostamente, o menor, de 13 anos, golpeouna cun obxecto na cabeza, tras o que ela se precipitou ao baleiro, segundo relataron fontes da investigación que tratan de esclarecer que pasou. O feito púxose en coñecemento da Policía Local e do 061, tras o que se mobilizou un helicóptero medicalizado ao lugar. A nena foi trasladada ata o Complexo Hospitalario de Ourense (CHUO), onde permanece ingresada en estado crítico na Unidade de Coidados Intensivos. A Garda Civil foi informada do acontecido e os efectivos desprazados ata o lugar atoparon o mozo ferido. Agora tratan de aclarar se a rapaza caeu porque a empurraron ou se foi fuxindo dunha posible agresión. A Fiscalía de Menores fíxose cargo dos feitos. O menor está ingresado na Unidade de Psiquiatria do CHUO, permanece tutelado polos pais, logo de que a Fiscalía de Menores ordenase que o sometesen a unha primeira valoración psicolóxica.
16