0
O Xulgado de Instrución número 2 de Melilla abriu unha investigación por unha posible fraude de compra masiva de votos por correo na cidade autónoma de Melilla polas eleccións do 28 de maio que está baixo segredo de sumario, segundo confirmaron fontes xudiciais. A Policía sospeita que se compraron 10.000 votos por correo, que segundo a delegada do Gobierno na cidade, Sabrina Moh, poderían decidir “un terzo dos representantes” da Asemblea de Melilla. As fontes explican que a policía xudicial investiga unha trama que “se repite ano tras ano” e que se produce en barrios desfavorecidos de redes de amigos e familiares. Polo momento, identificáronse xa entre 30 e 40 sospeitosos.