Mario Draghi aceptou este venres a proposta de formar un Goberno en Italia que lle encomendara o xefe do Estado, Sergio Mattarella, a quen presentou inmediatamente a súa lista de ministros. Luigi Dei Maio mantén a carteira de Asuntos Exteriores e Cooperación Internacional e Luciana Lamorgese tomará as rendas do Ministro do Interior. Xustiza queda en mans da ex presidenta do Tribunal Constitucional Marta Cartabia, Defensa de Lorenzo Guerini, e Economía de Daniele Franco, actual número dous do Banco de Italia.
Políticos e tecnócratas conforman un Goberno que pon fin á crise política en Italia, pero que se enfronta a outras dúas: a pandemia e a depresión económica. Matarella convocou a Draghi tras o fracaso das negociacións para reeditar a maioría gobernamental, o que provocou a dimisión do primeiro ministro Giuseppe Conte. ‘Super Mario’ obtivo o respaldo das formacións políticas italianas, incluído o Movemento populista 5 estrelas, para converterse en Primeiro Ministro.