- A Fiscalía brasileira segue actuando en defensa dos indíxenas que viven na Amazonia
O presidente de Brasil, Jair Bolsonaro, non poderá asistir ao cume deste venres dos países amazónicos na cidade colombiana de Leticia para acordar medidas conxuntas contra estes incendios, xa que será sometido a unha nova operación de hernia.
Con todo, o propio Bolsonaro manifestou que acudirá á Asemblea Xeral de Nacións Unidas de mediados deste mes: «Irei á ONU mesmo en cadeira de rodas ou en padiola. Pero irei porque quero falar sobre a Amazonia -con sabedoría e patriotismo- sobre esa zona ignorada por tantos Gobernos no pasado. Foi practicamente vendida ao mundo. Non aceptarei esmolas de ningún país baixo o pretexto de preservar a Amazonia cando está a ser dividida en lotes e vendida».
A popularidade do dirixente ultraconservador segue baixando a consecuencia ademais destes incendios, xa que para un 38% dos enquisados, as súas actuacións non son correctas.
Mentres decenas de miles de incendios seguen queimando a Amazonia, a Fiscalía brasileira volve actuar en defensa dos indíxenas que viven nela. Este luns pediu ao exército unha operación urxente para evitar que un grupo de madeireiros invada a reserva dos indios Tembé no estado de Pará, da que xa foran expulsados recentemente.
Fonte: Euronews