44
O excoordinador federal de Esquerda Unida, Julio Anguita, de 78 anos, atópase ingresado en estado crítico tras sufrir unha parada cardíaca, segundo adiantou o diario local Cordópolis. O exalcalde de Córdoba foi trasladado este sábado de urxencia á Unidade de Coidados Intensivos (UCI) do Hospital Universitario Raíña Sofía de Córdoba pola afección cardíaca que en principio, segundo esas mesmas fontes, non está relacionada co coronavirus. Anguita está ingresado con ventilación mecánica e pendente de evolución, segundo fontes hospitalarias. Pablo Iglesias, vicepresidente segundo do Goberno e secretario xeral de Podemos, enviou ánimo ao exlíder de EU nunha mensaxe a través das redes sociais.