24
A primeiras horas da mañá deste martes foi atopado preto de Marín o corpo sen vida de José Manuel Penas Balchada, o home de 49 anos desaparecido no río Lérez, en Pontevedra, mentres practicaba piragüismo.
Segundo informa o servizo de emerxencias 112 Galicia, o cadáver foi localizado baixo a ponte da Autovía de Marín a uns catro quilómetros da zona na que desaparecera o venres pasado, entre a ponte do Burgo e a das Correntes, no mesmo centro de Pontevedra.
No operativo, estiveron traballando mergulladores do Grupo de Especialistas en Actividades Subacuáticas (GEAS) da Garda Civil, e membros dos bombeiros e da Policía Local da capital pontevedresa, entre outros.