Os Estados Unidos, o país do mundo máis afectado pola pandemia da COVID-19, superou este xoves os 4 millóns de casos confirmados de coronavirus, no medio duha repunta en varios estados, como California, Arizona, Texas e Florida. Segundo o reconto independente da Universidade Johns Hopkins, Os EUA rexistrou ata o de agora un total de 4.005.414 contaxios e 143.820 falecidos.
Nos últimos días, o país rexistrou unha media superior aos 60.000 contaxios diarios e pasou as 1.000 mortes diarias, algo que non ocorría desde xuño. Ante a preocupante repunta, o presidente dos EUA, Donald Trump, cambiou o ton recentemente ao advertir que a pandemia do coronavirus «empeorará» no país e insistiu á cidadanía no uso das máscaras, algo ao que se resistiu ata o de agora.