O Concello de Malpica, en colaboración coa Deputación da Coruña organiza a XVIII Mostra de Teatro Malpica. No auditorio do Centro Cívico, a partir do 28 de outubro, haberá cada semana unha obra de teatro ás 20:30h. A idea é familiarizar ao público co mundo do teatro e facerlle sentir todo tipo de emocións a través da interpretación. Dentro da programación deste ano hai espectáculos de todos os xéneros e para todo tipo de público.
A Mostra comeza o venres 28 de outubro coa comedia “O porco de pe”, que está recomendada para maiores de 14 anos. A seguinte cita teatral será o venres 4 de novembro con “A lúa vai encuberta”, gañadora do II Certame Manuel María de Proxectos Teatrais. A semana seguinte, o venres 11 de novembro será a quenda de “Hugo”; o venres 18 de novembro haberá unha obra para toda a familia, “Mai mai”; o venres 26 de novembro poderán asistir á comedia “Feminissimas”; o venres 2 de decembro poderán emocionarse coa comedia dramática “Amantis”. Ao día seguinte, o sábado 3 de decembro, Culturactiva interpretará “As alumnas” e, por último, o venres 9 de decembro, “A parábola de angazo” pechará a Mostra de Teatro Malpica.
Para máis información poden acudir ao departamento de Educación e Cultura do Concello de Malpica en horario de 9:30h a 14:00 ou chamar ao 981 707 104.
