María Pita homenaxea ao Deportivo Liceo, Supercampión de España


O pazo de María Pita acolleu a recepción oficial ao Deportivo Liceo que gañou a súa terceira Supercopa de España fronte ao Barcelona.

A rexedora destacou “o traballo que o equipo vén amosando desde hai moito tempo e que é un gran exemplo para todos”, ademais de ser “un dos mellores embaixadores da cidade en España e en Europa”.

A Coruña é sinónimo de deporte, apuntou Rey, quen sinalou que desde o Concello seguirase apostando “non só por vós e polo hóckey senón por todos os deportes desta cidade investindo na mellora das instalacións e nos convenios coas entidades deportivas da cidade co fin de potenciar un dos nosos grandes recursos que é o deporte”.

Na recepción tamén participaron a concelleira de Deportes, Mónica Martínez; e as e os voceiros dos grupos municipais. Antes da rexedora, tomaron a palabra o capitán do Deportivo Liceo, David Torres, e o seu presidente, Daniel Echevarría, que agradeceron o apoio da alcaldesa e da Corporación e auguraron futuros éxitos para o Deportivo Liceo.